सिरहामा कोरोना भाइरसको संक्रमणबाट स्वास्थ्यकर्मीकाे निधन भएको छ।
जिल्लाको कल्याणपुर नगरपालिका स्वास्थ्य शाखा प्रमुखका रुपमा कार्यरत जनस्वास्थ्य अधिकृत गौरीशंकर देवको गएराती विराटनगरस्थित नोबेल मेडिकल कलेजमा उपचारका क्रममा निधन भएको हो।
उनकाे १७ दिन अघि कोरोना परीक्षण रिपाेर्ट पोजिटिभ आएकाे थियाे।
कोरोना पोजिटिभ देखिएपछि उनको स्वास्थ्य गम्भीर भएको थियो।
उनलाई आइसियुमा राखेर उपचार गरिएको थियो।
विगत ३० वर्षदेखि स्वास्थ्य सेवामा कार्यरत देवको निधनले स्वास्थ्य क्षेत्रमा अपूरणिय क्षति पुगेको नेपाल स्वास्थ्यकर्मी युनियनले जनाएको छ।
५४ वर्षीय देव युनियनका सहसचिव थिए।
