भक्तपुर अस्पतालमा उपचाररत कोरोना भाइरस संक्रमितको मृत्यु भएको छ ।
अस्पतालकी मेडिकल सुपरिटेन्डेन्ट डा.सुमित्रा गौतमका अनुसार भक्तपुर नगरपालिका ५ भेलुखेलका ५९ वर्षीय पुरुषको आइतबार साँझ उपचारकै क्रममा मृत्यु भएको हो ।
घाँटी क्यान्सर पीडित ती पुरुषकाे स्वास्थ्य समस्या देखिएपछि शुक्रबार अस्पताल भर्ना गरिएकाे थियाे।
लगत्तै पीसीआर परीक्षण गर्दा ती पुरुषमा कोरोना संक्रमण पुष्टि भएको थियो ।
यससँगै जिल्लामा कोरोना संक्रमणबाट मृत्यु हुनेको संख्या ३९ पुगेको छ । तीमध्ये, ११ महिला र २८ पुरुष छन् ।
