डा. शेरबहादुर पुन
हामीले कोरोना सङ्कट बेहोरेको ६ महिना भइसक्यो । कोरोना भाइरस रोकथाम तथा नियन्त्रणका लागि यो विचमा पटक पटक लकडाउन तथा निषेधाज्ञा जस्ता विधिहरुको अभ्यास पनि गरियो । तर पनि कोरोना संक्रमण कम हुन सकिरहेको छैन । यो हामी सबैको साझा चिन्ताको विषय बनेको छ ।
कोरोनासंक्रमण बढिरहेको अहिलेको अवस्थामा पर्याप्त मात्रामा आइसोलेशन छैन । होम आइसोलेसन भनेर धेरै संक्रमितहरु घरमा बसेका छन् । धेरै ठाउँमा समुदाय तहमा आइसोलेशन पनि बनाइएको छैन । अपवाद स्वरुप कतिपय ठाउँमा बनाएपनि त्यो पर्याप्त हुन सकेको छैन । संक्रमण रोकथाम तथा नियन्त्रणका लागि भ्याक्सिन पनि आइनसकेको र संक्रमण बढिरहेको सन्र्दभमा यसलाई नियन्त्रणका लागि अब एउटा महाअभियान सुरु गर्न आवश्यक छ ।
