मुक्तक १
दुई खोली मिल्छन् त्यहाँ घात हुँदैन
सानो ठूलो भनि तिनको वात हुँदैन
मिले पनि छुटे पनि नाता उहीँ पानी
मान्छेको जस्तै पानीको जात हुँदैन
मुक्तक २
किनारा छोई बग्ने पानी ढङ्ग फरक
वेग मार्ने उर्लिने उस्तै उमङग फरक
कुवा-तलाउ-खहरे या सागर जस्तै
जात एउटै छ पानीको रंङ्ग फरक
मुक्तक ३
मादी र सेती दमौलीमा भेट हुने गर्छन्
भेट भई एक अर्काको मन छुने गर्छन्
दोभानमा भेट भई यात्रा तय गरी
पानी बग्दै हरेक मनको पिड धुने गर्छन्
मुक्तक ४
खेतालो भएर गीत कसैको गाइनँ
जाल-झेल गर्दै प्रीत पनि लाइनँ
जानिनँ जीवनमा ढाट छल गर्न
स्वार्थ लुटन सोझासँग मित लाइनँ
मुक्तक ५
सधै भरि पहाराको खानी जस्तै भएँ
आफ्नालाई जीवन दिइ पानी जस्तै भएँ
बुढेसकालमा पनि हाँसी बाँचेको छु
यो उमेरमा पनि जवानीमा जस्तै भएँ
