सुवास पण्डित
चितवनमा कोरोना भाइरस संक्रमण बढ्दै छ । निषेधाज्ञाका कारण मानिसहरु घरभित्र नै कैद छन् । जिल्लामा निषेधाज्ञा घोषणा गरिएसँगै रगतको चरम अभाव भयो । रक्तसञ्चार केन्द्रमै आएर रक्तदान गर्नेहरु पनि निषेधाज्ञाका कारणले आउन सक्ने अवस्था भएन ।
अर्को तर्फ मेडिकल सिटीको रुपमा विकास भइरहेको भनिएको चितवनका धेरै अस्पतालमा भर्ना भएका बिरामीहरुलाई रगत अत्यावश्यक थियो । तर रक्तदान कार्यक्रम नहुँदा रगत उपलब्ध गराउन समस्या भयो । यही अप्ठेरोका बीच एउटा गजबको आइडिया निस्कियो– रगत संकलन गर्न घुम्ती रक्तदान कार्यक्रम सन्चालन गर्ने ।
