शिक्षण शुल्क नतिरेको विषयमा नवलपरासी पश्चिमका एक अभिभावक निजी बोर्डिङ स्कूलका सञ्चालकबाट निर्घात कुटिएर सख्त घाइते भएका छन्।
नवपरासी (पूर्व) विनयी त्रिवेणी गाउँपालिका ६ रानीनगर स्थित उज्जवल शिशु इंगलिश बोर्डिङ स्कूलका सञ्चालक एंव प्रधानाध्यापक दीपक कुँवरको कु्टपिटबाट नवलपरासी पश्चिम सुस्ता गाउँपालिका वडा न ३ पत्थरकला निवासी ५२ वर्षीय कृष्णप्रसाद शर्माको दायाँ खुट्टा भाँचिएको हो।
साउन २८ गते प्रधानाध्यापकले दुई छोराहरुको बक्यौता शुल्क माग गरेको र कोरोना कहरका कारण तत्तकाल पैसा तिर्न नसक्ने बताएपछि अभिभावक आचार्यमाथि कुटपिट भएको थियो। आचार्यको हाल बुटवलस्थित लुम्बिनी सिटि अस्पतालमा उपचार भइरहेको छ।
विगत २४ दिनदेखि उपचाररत आचार्यले एक्कासी शिक्षक जस्तो व्यक्तिले आक्रमण गरि जीवनभरका लागि अशक्त बनाइदिएको गुनासो गरे। दुई छोराहरुले तीन वर्षअघि एसईई दिने बेलामा अध्ययन गरेको ३० हजार शुल्क तिर्न बाँकी रहेको उनले बताए ‘विचमा उहाँले पैसा माग्नुभएन, बजार हिडेको बेला पैसा माग्नुभयो, अहिले १० हजार जति दिन्छु बाँकी पछि दिउला सर भनेको मात्र के थिएँ, लात्ति लात्तिले हान्नुभयो’ अस्पतालको बेडमा रहेको आचार्यले भने।
