शशांक कोइराला नेपाली कांग्रेसका महामन्त्री हुन् । आगामी महाधिवेशनमा उनले सभापति शेरबहादुर देउवालाई पराजित गर्न सक्ने आफूमात्रै रहेको दाबी गर्दै उम्मेदवारी अघि सारेका छन् । तर उनले आफू एक्लै नभइ सल्लाह र सहमतिका आधारमा मात्रै उम्मेदवारी दिने तयारीमा रहेको बताउँछन् ।
रामचन्द्र पौडेल समूहमा रहेका कोइरालाले देउवालाई गोप्यरुपमा भेटेर उनकै उम्मेदवार बन्ने हल्ला केहीदिन चलेको भए पनि उनले त्यसको कडारुपमा खण्डन गरेका छन् । प्रस्तुत छ, उनै कोइरालासँग बाह्रखरीका अक्षर काका, केशव सावद र जगन्नाथ दुलालले पछिल्लो राजनीतिक अवस्थामा केन्द्रित रहेर गरेको कुराकानीः
पछिल्लो समय यहाँले पार्टी सभापति नै तोकिएको मितिमा महाधिवेशन गर्न इच्छुक देखिनुहुन्न भन्ने अभिव्यक्ति दिनुभयो, कसरी तपाईंलाई महाधिवेशन अनिश्चित लाग्यो ?
