समसामयिक विषयवस्तुलाई आफ्ना भावनासहित क्याभासमा उर्ताने अब्बल कलाकार हुन्–प्रनोद दत्त। धरान बजारको चतरा लाइनमा बसेर उनी कलाकर्म गर्छन्। सामाजिक विषयवस्तु, ल्याण्डस्केप र पोटे«ट बनाउँछन्। पानी रंग, एक्रेलिक रंग र तैल रंगका माध्यमले अर्धमूर्त चित्र कोर्छन्।
उनी कर्मसियल कलाकार होइनन् तैपनि उनले बनाएका चित्र स्टक बस्दैन, बनाउन नभ्याउँदै तात्तातै बिक्री हुन्छ। उनले कलाकारिताबाट आत्मसंतुष्टि र नाम कमाएका छन्।
उनी धरानको ‘युवा कला केन्द्र’ मार्फत कलाकर्म गर्छन् जुन केन्द्र विसं २०३३ मा मुकेश मल्ल र कर्ण मास्के लगायतले खोलेका थिए। तिनै अगुवाको प्रेरणाले उनी कलामा होमिएका।
उनी धरानको पब्लिक स्कुलमा कक्षा ६ को विद्यार्थी हुँदा केन्द्रले आयोजना गरेको कला प्रतियोगितामा पहिलो भएका थिए। ‘म उत्कृष्ट भएकाले होला उहाँहरूले मलाई प्रेरणा दिइरहनु भयो’, उनी सम्झन्छन्, ‘उहाँहरूले कला सम्बन्धी ज्ञानज्ञुन बाँड्नु भयो।’
साथै रमेश खनाल, उपेन्द्र पागलहरूबाट समेत उनले बरोबर सुझाब पाइरहे। कुनै पनि विषयलाई फोटोमा जस्तो दुरुस्तै नउतारेर त्यसमा कलाकारको भावना पनि मिसाउनु पर्छ भन्ने शिक्षा यिनै अगुवाबाट पाए।
