वाणिज्य आपूर्ति तथा उपभोक्ता संरक्षण विभाग, बबरमहलका नायब सुब्बा शिव शंकर महतोले घुससहित पक्राउ परेका छन् ।

फर्मको दर्ता प्रमाण पत्रसँग सम्बन्धित कामका लागि सेवाग्राहीसँग घुस मागेको उजुरीको आधारमा अख्तियार दुरुपयोग अनुसन्धान आयोगबाट खटिएको टोलीले उनलाई पक्राउ गरेको हो । 

उनलाई कार्यकक्षबाट १० हजार घुस लिइसकेको अवस्थामा नियन्त्रणमा लिई अनुसन्धान भइरहेको अख्तियारले जनाएको छ ।