राैतहटको गरुडा नगरपालिकामा एक युवकको शव फेला परेको छ । आइतबार बिहान धारिलो हतियार प्रयोग गरी हत्या गरेको अवस्थामा शव देखेपछि स्थानीयले प्रहरीलाई खबर गरेका थिए ।

उक्त शव गरुडा नगरपालिका ८ स्थित जिगडियाटोका १७ वर्षीय निरन्जन राम चमारको रहेको स्थानीयले बताउका छन्।

ती युवकको गाउँदेखि करिब तीनसय मिटर टाढा शव भेटिएको इलाका प्रहरी कार्यालय गरुडाका डीएसपी ज्ञानकुमार महतोले बताए ।

डीएसपी महतोका अनुसार ती युवकको शव धानखेत नजिकै रहेको पानी जमेको जलकुम्भी झारमा फेला परेको थियो ।