कोरोनाभाइरस सङ्क्रमणलाई लिएर काठमाण्डू उपत्यकाका तीनवटै जिल्लामा शुक्रवार रातिदेखि लागु हुने गरी आधा महिनाका लागि विभिन्न गतिविधिमा प्रतिबन्ध लगाएका छन्।
काठमाण्डू, ललितपुर र भक्तपुरका सुरक्षा समितिको निर्णयबमोजिम साउन ३० गते राति १२ बजेदेखि भदौ १५ गते राति १२ बजेसम्म सभा, जुलुसदेखि धार्मिक भेलासम्मका गतिविधि गर्न निषेध गरिएको भक्तपुर जिल्लाकी प्रमुख जिल्ला अधिकारी हुमकला पाण्डेले बताइन्।
स्थानीय प्रशासनको आदेशलाई उल्लङ्घन गरेको पाइएमा कानुनबमोजिम कारबाही गरिने चेतावनी समेत दिइएको छ।
