डच क्लब आयाक्सका १३ जना खेलाडी र स्टाफमा कोरोना भाइरसको संक्रमण देखिएको छ।
आयाक्सले आफ्ना ९० खेलाडी, प्रशिक्षक र स्टाफमा गरिएको परीक्षणमा १३ जनामा कोरोना संक्रमण देखिएको बताएको छ।
‘टोलीका धेरै खेलाडीमा कोरोना संक्रमण देखिएको थियो,’ आयाक्सको संचार प्रमुख मिल ब्रिन्खुइसले भने, ‘ तर, अहिले सबै जना निको भइसकेका छन्।’
स्मरण रहोस् कोरोनाको कारण डच लिग रद्द हुँदा शीर्ष स्थानको आयाक्सले यस सिजनको उपाधि जितेको थियो।
