ढाड देखियो, हाड देखियो
असमानता को पहाड देखियो
सम्बन्धको तराई देखिएन
तुच्छताको बाढी रोकिएन
सञ्जाल यो सामाजिक नामको
झन् त्यसले जोड्ने पुल भत्कायो दूरी कायम भो
सेतो प्लेट खुल्ला ढाड
ब्रत बस्दिन यसपालिको चाड
देखिए, गाइए, भनिए जसै
शब्दका वर्षा भए बने गालीका पहाड
भाइरल बनाउने रहरले भाइरस जन्माइरह्यो
कोरोनाले बाटो फेर्ला शब्दबाणले घायल बनाइरह्यो
चर्चित हुन बाढीका पानीसँग सेल्फी, लाससँग फोटो
जोड्ने कुरा टुटिरहे बाँकि रह्यो एक आपसको फाटो
