स्पेनिस ला लिगा फुटबल अन्तर्गत आइतबार राति भएको खेलमा बार्सिलोनाले फराकिलो जित निकालेको छ।

अवे मैदानमा भएको सिजनको आफ्नो अन्तिम खेलमा बार्सिलोनाले डिपोर्टिभो अलाभेसलाई ५-० गोल अन्तरले पराजित गरेको हो।

बार्सिलोनालाई जित दिलाउन कप्तान लिओनल मेसीले दुई गोल गरे। यस्तै अन्सु फाती, लुइस स्वारेज र नेल्सन सेमिडोले एक/एक गोल गरे।

खेलको २४ औं मिनेटमा फातीले गोल गर्दै बार्सिलोनालाई अग्रता दिलाए। ३४ औं मिनेटमा मेसीले गोल गर्दै बार्सिलोनाको अग्रता २-० को बनाए।

४४ औं मिनेटमा स्वारेजले गोल गर्दा पहिलो हाफमा बार्सिलोना ३-० ले अघि रह्यो।

 ५८ औं मिनेटमा सेमिडोले गोल गर्दै बार्सिलोनालाई ४-० को अग्रता दिलाए।

यता ७५ औं मिनेटमा मेसीले व्यक्तिगत दोस्रो गोल गर्दै टोलीलाई ५-० को जित दिलाए।

जितसँगै बार्सिलोनाले दोस्रो स्थानमा रहेर सिजनको अन्त्य समेत गरेको छ।

बार्सिलोनाले ३८ खेलमा ८२ अंक जोड्यो। बार्सिलोना च्याम्पियन रियल भन्दा ४ अंकले पछि रहेको छ। रियलले एक खेल खेल्न बाँकी रहेको छ।

डिपोर्टिभो ३९ अंक जोडेर १५ औं स्थानमा रहेको छ।