साउथका सुपरस्टार नायक प्रभाष र बलिउड नायिका दीपिका पादुकोण एकसाथ पर्दामा देखिने भएका छन्।
नाग अश्विनले बनाउन लागेको चलचित्रमा उनीहरु एउटै पर्दामा देखिने भएका हुन्। निर्देशक अश्विनको नयाँ चलचित्र ‘महानती’मा प्रभाष र दीपिकासँगै अभिनय गर्ने भएका हुन्।
यो चलचित्रलाई तेश्रो विश्वयुद्धको कथामा तयार पारिनेछ। यो चलचित्रलाई सन् २०२२ मा रिलिज गर्ने योजना यसको निर्माणपक्षको छ। यो चलचित्रलाई हिन्दी, तमिल र तेलुगु भाषामा निर्माण गरिनेछ।
यो प्रभाषले अभिनय गर्न लागेको २१ औं चलचित्र हो। यसअघि प्रभाषका शुभचिन्तकहरुले बलिउडका चर्चित अभिनेत्रीहरुसँग अभिनय गर्न सुझाव र सल्लाह दिने गरेका थिए।
वहुचर्चित चलचित्र ‘बाहुबली’बाट चर्चामा आएका प्रभाषले उक्त चलचित्र रिलिज भएपछि कहिल्यै पछाडि फर्केर हेर्नु परेको छैन।
हाल बलिउडकी चर्चित अभिनेत्री दीपिकासँगै चलचित्रमा काम गर्ने समाचार आएपछि प्रभाषका प्रशंसकहरुले शुभकामना दिन थालेका छन्।
दीपिका र प्रभाषको यो चलचित्रले बक्स अफिसमा धुम मच्चाउने विश्लेषण गरिएको छ।
