मध्यान्ह १२ बजेको चर्को घाम। तर, कामदारहरू भने डटेर खटिइरहेका थिए, रानीपोखरी पुनर्निर्माणमा। लकडाउनकाबीच करीब ३६ भन्दा बढी कामदार र कालिगढहरू रानीपोखरीको पुनर्निर्माणमा अहिले पनि जुटिरहेछन्। त्यसो त पुनर्निमार्णको काम गत वैशाख १२ मै सक्नुपर्ने थियो। तर, लकडाउनका कारण पुनर्निर्माणको काम प्रभावित बन्यो। २०७५ सालको फागुन २० गतेबाट रानीपोखरी पुनर्निर्माणको काम उपभोक्ता समितिमार्फत् शुरू भएको थियो।
६० रोपनी क्षेत्रफलमा फैलिएको रानीपोखरीको पोखरी निर्माण भने एकसाता अघि सम्पन्न भइसकेको छ। पोखरीमा पानी जम्मा गर्नका लागि इँटा बिछ्याउने काम सम्पन्न भएको छ। रानीपोखरी वरिपरि घुम्न मिल्ने गरी बनाइएको बाटोको काम पनि लगभग सम्पन्न भइसकेको छ। यसमा इट्टा बिछ्याउने, घाँस र बोटबिरुवा रोप्ने काम रानीपोखरीको दक्षिण र पश्चिमपट्टी भइरहेछ।
