.jpg)
केही यात्रा योजना बुनेर सुरू हुन्छन्। कुनै यात्रा रहर वा लहडबाट थालिन्छ। अनलाइन अर्डर लिई ग्राहकको घरदैलोमै तीन वर्षदेखि किताब पुर्याउँदै आएको 'किताब यात्रा' पनि लहडबाट जन्मिएको भन्दा फरक पर्दैन।
यसका संस्थापक ऋषिराम अधिकारी भारतको दिल्लीमा चार्टर्ड एकाउन्टेन्सी (सिए) पढिरहेका थिए। अन्तिम वर्ष पुगिसकेको पढाइ चटक्कै छोडेर उनले धेरैलाई चकित पारे।
लालबन्दीमा जन्मेका ऋषिले आफ्नो ठाउँका मान्छेले किताब खोज्दाको दुःख देखेका थिए। साहित्य र इतिहासमा रूचि राख्ने उनी आफैं पनि किताब किन्न लालबन्दी नजिकका बजार धाउँथे।
