उदयपुरको उदयपुरगढी गाउँपालिका–६ बाघखोरमा ट्र्याक्टर दुर्घटना हुँदा घटनास्थलमै नौ वर्षीया बालिकाको मृत्यु भएको छ भने एक जना घाइते भएका छन्।
मृत्यु हुनेमा उदयपुरगढी गाउँपालिकाकै स्थानीय बालिका बिविशा पाण्डे रहेकी छन् भने घाइते हुनेमा ४० वर्षीया शर्मिला तामाङ रहेकी छन्।
जिल्लाको सदरमुकाम गाईघाट बजारमा दैनिक उपभोग्य वस्तु बोकेर उदयपुरगढीतर्फ जाँदै गरेको स१त ५१०७ नंको ट्र्याक्टर बिहिबार साँझ ७ बजे उदयपुरगढीको बाघखोर भन्ने सडकखण्डमा अनियन्त्रित भई सडकबाट तल खसेको उदयपुरका प्रहरी प्रमुख वीरबहादुर बुढाले जानकारी दिए।
प्रहरीले घटनास्थल पुगेर ट्र्याक्टर चालकलाई नियन्त्रणमा लिएको छ भने बालिकाको शव परीक्षणका लागि जिल्ला अस्पताल उदयपुर ल्याएको र घाइते तामाङको उपचार जिल्ला अस्पतालमा भइरहेको प्रहरीले जनाएको छ।
.jpg)
