प्रधानमन्त्री केपी ओली सञ्चार माध्यममाथि फेरि खनिएका छन् । उनले एकथरी सञ्चारमाध्यमको ध्यान नै खोट देखाउनेमा केन्द्रित रहेको आरोप लगाएका हुन् ।

बुधबार प्रतिनिधि सभामा आर्थिक वर्ष २०७६/०७७ को बजेटमाथि सांसदहरुले उठाएका प्रश्नको जवाफ दिन पुगेका ओलीले बैठकमा सञ्चारमाध्यमको आलोचना गरेका हुन् ।

सांसदहरुले स्वास्थ्य सामग्री खरिदमा भएको भ्रष्टाचारका खबरहरु एकपछि अर्को गर्दै सञ्चारमाध्यममा आएको तर प्रधानमन्त्रीले शून्य सहनशिलताको कुरा गर्दा पटक्कै मेल नखाएको प्रसंग उठाएपछि उनी मिडियाविरुद्ध आक्रोशित बनेका हुन् । 

एकथरी मिडियाको धर्म नै राम्रो नदेखाउने भएको निर्णय सुनाउँदे उनले भने, ‘स्वास्थ्य सामग्री किन्दा पनि भ्रष्टाचा भयो । सेनालाई दिँदा पनि भ्रष्टाचार भयो भनेका छन् । एकथरी मिडियाको धर्म नै राम्रो नदेखाउने भन्ने देखियो ।’

आफ्नो सरकारमाथि लागेको भ्रष्टाचार अरोपको बचाउ गर्दै उनले थपे, ‘खरिद नगर्दा पनि भएन । गर्दा बित्तिकै भ्रष्टाचारबाहेक केही नदेख्ने । अनावश्यक रुपमा केहीको इशारामा घुमाउरो पाराले यस्ता विषय उठाइएका छन् ।’