कोरोनाको महामारीका कारण लकडाउन चलिरहेको छ। लकडाउनसँगै केही क्षेत्रहरु भर्खर खुल्न थाल्दैछन् भने केहीको अझै टुंगो छैन। खेलकुद क्षेत्र त पूरै ठप्प। यसले पारेका कयौं नकरात्मक पाटाहरु होलान् तर केही सकारात्मक पक्षहरु पनि छन्।
दशरथ रंगशाला त्यसको उदाहरण हो जहाँ लकडाउन चलिरहँदा पनि मैदानको स्तरोन्नतीको काम रोकिएको छैन। फागुनमा शहीद स्मारक ए डिभिजन लिग सकिँदा मैदानको दुरावस्था देखिन थालिसकेको थियो। अहिले भने मैदान मैदानजस्तो बनेको छ। जसका लागि जुटेका छन् ग्राउन्ड म्यानेजर दीलिप रजकसँगै मैदानका कामदारहरु।
