देश कोरोना महामारीले प्रभावित छ। राज्यबाट सधै उपेक्षित सुदूर पश्चिम प्रदेश अझ बढी जोखिममा छ। कारण यहाँका एक तिहाई जनसंख्या भारतमा रोजगारीमा छ। उनीहरु घर फर्किँदैछन्। सँगसँगै कोरोनाको जोखिम आउँदैछ। यस्तो बेला सुदूर पश्चिममा न संरचना, उपकरण न त जनशक्ति नै। तिनै विषयलाई लिएर कञ्चनपुरबाट प्रतिनिधित्व गर्ने नेपाली कांग्रेसका नेता एनपी (नारायणप्रकाश) साउद कहिले स्वास्थ्य मन्त्री त कहिले प्रधानमन्त्री भेट्न दौडिरहेका छन्। आफ्नो पहलबाट सरकारको सकारात्मक आश्वासन पाएका साउद छिटो कार्यान्वयन भइदिओस् भन्ने चाहन्छन्। प्रधानमन्त्रीसँगको भेटले 'पार्टी प्रवेश गर्न लागेको' भनेर पनि उनी चर्चामा रहे। पहिलोपोस्टसँगको कुराकानीमा उनले कोरोना महामारी, बजेट, संविधान संशोधन, सुदूर पश्चिममा राज्यको वेवास्ता, प्रमलाई भेटेको विषयमा फैलिएको अफवाहबारे आफ्नो धारणा राखेका छन्। प्रस्तुत छ, साउदसँग गरिएको कुराकानीको सम्पादित अंश :
