सन् २०१९ डिसेम्बर २० मा अमेरिकी राष्ट्रपति डोनाल्ड ट्रम्पले सेनामा नयाँ विभाग 'युएस स्पेस फोर्स' गठनको घोषणा गरे।
उक्त फोर्स स्थापनाको कानुनमा हस्ताक्षर गर्दै उनले भने, ‘हाम्रो राष्ट्रिय सुरक्षामा देखिएको चुनौती सामना गर्न अन्तरिक्षमा अमेरिकी आधिपत्य एकदमै आवश्यक छ।’
उनले अमेरिकी सेना विश्वका अन्य सेनाभन्दा अगाडि रहेको, तर त्यो अग्रता सानो भएको बताएका थिए। स्पेस फोर्स गठनले अरू मुलुकका दाँजोमा अमेरिकी सेनाको ठूलो अग्रता कायम हुने उनको दाबी थियो।
अमेरिकी सरकार मात्र होइन, अन्तरिक्षलाई लिएर त्यहाँका निजी कम्पनीहरूको महत्वाकांक्षा पनि सानो छैन।
