बाराको आदर्श कोतवाल-८ को सडकमा ८ हजार नेपाली रूपैयाँ फेला परेको छ।

५ सय दरका १६ वटा नोट आइतबार बिहान सडकमा फेला परेको जिल्ला प्रहरी कार्यालय बाराका प्रहरी नायव उपरिक्षक गौतम मिश्राले जानकारी दिए।

मिश्रका अनुसार स्थानीयबासीले सडकमा पैसा छरिएको देखेपछि प्रहरीलाई खबर गरेका थिए। उक्त खबर पाउनासाथ घटनास्थलमा पुगेको प्रहरीले सो पैसालाई सेनिटाइज गरि प्लास्टिकमा बाँधेर प्रहरी कार्यालयमा राखेको छ।

सडकमा छरिएको पैसा कसैको खसालेको हुनसक्ने अनुमान प्रहरीले गरेको छ। यद्यपी यस विषयमा थप अनुसन्धान भइरहेको मिश्राले बताए।