प्रहरी नायब महानिरीक्षक (डिआइजी) को बढुवा सिफारिस परेका प्रहरीलाई सोमबार दर्ज्यानी चिन्ह प्रदान गरिएको छ।

चैत २८ गते बसेको बढुवा समितिको बैठकले १० जना एसएसपीलाई डिआइजीमा बढुवा सिफारिस गरेकाो थियो। प्रहरी प्रधान कार्यालय नक्सालमा प्रहरी महानिरीक्षक ठाकुर ज्ञवालीले दर्ज्यानी चिन्ह प्रदान गरेका हुन्।  

नवनियुक्त डीआईजी घनश्याम अर्याल, प्रकाशजंग कार्की, वसन्तकुमार पन्त, ईश्वरबाबु कार्की, सहकुलबहादुर थापा, धिरजप्रताप सिंह, वसन्त कुमार लामा, रवीन्द्रबहादुर धानुक, उत्तमराज सुवेदी र अरुणकुमार बीसीलाई डीआईजीमा बढुवा गरिएको हो।

उनीहरुलाई ७ प्रदेश, सीआईबी, तालिम केन्द्र र प्रधानकार्यालयमा पदस्थापन गरिने भए पनि कसलाई कहाँ पठाउने भन्ने टुंगो लाग्न बाँकी छ। बढुवा भए पनि डीआईजीहरुको कहाँ पदस्थापना हुने भन्ने टुंगो लागिसकेको छैन।

कुन डीआईजीलाई कहाँ पठाउने भन्ने पत्रमा हस्ताक्षर हुन बाँकी रहेको गृहका एक उच्च अधिकारीले जानकारी दिए।