एएस रोमाका खेलाडी तथा प्रशिक्षक पउलो फोनसेसाले यस सिजनको बाँकी तलब नलिने भएका छन् । 

कोरोना भाइरस संक्रमणको महामारीका कारण कमजोर आर्थिक स्थितिमा पुगेको इटालीको सिरी ए टिमलाई सहयोग गर्न यो निर्णय भएको क्लबले आइतबार जनाएको छ ।

यो निर्णय अनुसार खेलाडी, प्रशिक्षक तथा उनका सहयोगी कर्मचारीले मार्च, अप्रिल, मे र जुनको तलब लिने छैनन् । क्लबका अनुसार सिजनको अन्त्यमा टिमले एक निश्चित उद्देश्य हात पार्न सफल रहेमा खेलाडी र प्रशिक्षकलाई फेरि कुनै न कुनै प्रकारको भत्ता दिइने पनि सहमति भएको छ ।

इटालीमा मार्च ९ यता सबै प्रकारका खेल हुन सकेका छैनन् । इटालीमा मेको ४ सम्म लकडाउन कायम छ र इटाली फुटबल संघले त्यसपछि यस सिजन पूरा गर्ने योजना रहेको बताएको छ । यसअघि नै अधिकांश सिरी ए क्लबले आफ्ना खेलाडीको तलब कट्टा गर्ने निर्णय गरिरहेका छन् ।

कोरोना भाइरसका कारण २३ हजारभन्दा बढीको मृत्यु भइसकेको छ।