कोरोना संक्रमण पहिचानका लागि अहिले सरकारले देशव्यापी रूपमा र्यापिड डायग्नस्टिक टेस्ट (आरडीटी) विधिमार्फत शंकास्पद मानिसको नमुना परीक्षण गरिरहेको छ।
तिनका नतिजा नेगेटिभ/पोजिटिभ भनेर खबर सार्वजनिक भइरहेका छन्। सँगसँगै आरडीटी परीक्षण गरिएकालाई पुनः पीसीआर परीक्षण पनि गर्ने क्रम चलिरहेको छ।
त्यस क्रममा आरडीटीमा नेगेटिभ देखिएका बिरामीको नमूना पीसीआरमा परीक्षण गर्दा पोजिटिभ त आरडीटीमा पोजिटिभ देखिएका नमुना पीसीआरमा परीक्षण गर्दा नतिजा नेगेटिभ आएका घटना बढी देखिएका छन्।
