'तीसरी कसम' - लकडाउनले घरभित्र थुनिएकाहरूलाई यो सिनेमा हेर्नुस् भनेर म सिफारिस गर्दिनँ। यसअघि सिफारिस गरेका कतिपय दर्शकबाट मैले सकारात्मक प्रतिक्रिया पाएको पनि छैन। तर, केही कुराहरू छन्, जसले मेरो निम्ति यो जीवनकै सबभन्दा बढी प्रभाव पार्ने सिनेमा बनेको छ।
बितेका केही साताको फुर्सदमा धेरैले जस्तै मैले पनि उपलब्ध भएसम्म संसारभरिका राम्रा सिनेमा हेर्ने कोशिस गर्दै आएँ। यसबीच केही दिनअघि फेरि ‘तीसरी कसम’ हेरेँ। यसले मेरो मथिंगल फेरि खलबल्याइदियो।
किन त?
सबभन्दा पहिले त, यो सिनेमाले ओगटेको भावभूमि मेरो आफ्नो थियो।
