सुवास श्रेष्ठ
काठमाडौं उनीहरुका लागि प्रिय रहेन । यसकारण कि दैनिक ज्याला मजदूरी गर्ने उनीहरुको भएको पैसा सकियो । दैनिक हातमुख जोर्न नै धौधौ पर्ने कसरी प्रिय हुन सक्थ्यो र काठमाडौं ? त्यसैले त हिँडेरै भएपनि गाउँजान भन्दै पाइला नाप्न सुरु गरे ।
शुक्रबार दर्जनौं मानिसहरु हिँडेरै गाउँ जाने भन्दै काभ्रेको धूलीखेल हुँदै अघि बढ्दै थिए । यो शुक्रबारको दृश्य मात्रै होइन दिनहुँ हिँडेर गाउँ जानेहरुको लर्को बढिरहेको छ ।
