सँगै वैदेशिक रोजगारीबाट फर्किएका साथीमा कोरोना पोजेटिभ देखिएपछि विराटनगर– १५ का युवक परिवारसहित क्वारेन्टाइनमा छन् ।शनिबारयता विराटनगर– १९ मा महानगरपालिकाले निर्माण गरेको क्वारेन्टाइनमा बसेका उनी कोरोना त्राससँग जुधिरहेका छन् ।
कोरोना संक्रमणको आशंकामा उनी आफैं डराएका छन् । विराटनगरमा रहेका उनका आफन्त पनि डराएका छन् । डर कै कारण आफन्त भेटघाटका लागि क्वारेन्टाइन पुगेका छैनन् ।आफन्तले बेला बेला फोन गरेर हाल खबर सोध्छन् । ‘आफन्त यहाँ आउन गाह्रो मान्नुहुन्छ, फोनमा चाहिँ कुरा हुन्छ’ उनी भन्छन् ‘दुरी मेन्टेन गर्दा कोरोना सर्दैन, बुझ्ने मान्छेमा नै त्रासमा छन् ।’६ वर्षकी छोरी र श्रीमतीसहित क्वारेन्टाइनमा बसेका उनी घरको जस्तो बसाइ नहुने बताउँछन् ।
