थापाथलीमा नर्भिक अस्पताल चलाइरहेका डलर अर्बपति विनोद चौधरी र भैंसेपाटीमा ‘अत्याधुनिक सुविधा’को मेडिसिटी अस्पताल चलाइरहेका गैरआवासीय धनाढ्य उपेन्द्र महतोले सार्वजनिक भाषणमा भन्ने गर्छन्, “नेपालीलाई जीवनदान दिन सक्ने सुविधासहितका अस्पताल चालएका छौं। हाम्रा अस्पतालमा आएका अन्तिम अवस्थाका बिरामी पनि जीवनदान लिएर फर्कन्छन्।”
देशमै सर्वाधिक महङ्गा मानिने यी अस्पताल सामान्य नागरिकका पहुँचबाहिर छन्। सम्पन्नशालीहरूले मात्रै आट्न सक्ने यी अस्पताल अहिले विश्व नै कोरोना महामारीविरुद्ध जुटिरहेको बेला पनि पैसावाल बिरामीको खोजीमा छन्।
