काभ्रेको साँगामा मिनीट्रक र मोटरसाइकल ठोक्किँदा बाबुछोराको मृत्यु भएको छ। आइतबार बनेपाबाट सांँगातर्फ आउँदै गरेको बा.५.ख २३९० नम्बरको मिनीट्रक र विपरीत दिशाबाट आउँदै गरेको बा.५७.प ७२८ नम्बरको मोटरसाइकल ठक्कर खाँदा बाबुछोराको मृत्यु भएको हो।

दुर्घटनामा परि गम्भीर घाइते भएका उदयपुर रौतामाई गाउँपालिका ४ का ३५ वर्षीय मिनबहादुर श्रेष्ठ र उनको छोरा ५ बर्षीय सुविनको उपचारको क्रममा मृत्यु भएको इलाका प्रहरी कार्यलय बनेपाका प्रहरी निरिक्षक योगेन्द्र तिमल्सिनाले जानकारी दिए।

दुर्घटनामा मिनबहादुरकी श्रीमती सुनिता पनि घाइते छिन्। 

शिर मेमोरियल अस्पताल बनेपामा उपचाररत सुनिताका अनुसार, उनीहरु उदयपुरस्थित घर फकर्दै थिए।

 ट्रक र चालक रामेछापको खाँडादेवी –७ का ३३ वर्षीय लक्ष्मीनारायण श्रेष्ठ नियन्त्रणमा रहेको प्रहरीले जनाएको छ।