डिसेम्बर २०१९ मा चीनको उहानबाट फैलिएको कोरोनाभाइरस (कोभिड–१९)ले विश्व अर्थतन्त्रलाई गहिरो असर पारेको छ । यतिबेला कोभिड–१९ को असरलाई लिएर विश्वले चिन्ता व्यक्त गरिरहेको छ । एसियाली विकास बैङ्क (एडीबी)ले एक रिपोर्ट सार्वजनिक गर्दै विश्व अर्थतन्त्रको कुल गार्हस्थ उत्पादन (जीडीपी)मा ०.४ प्रतिशतको क्षति पुग्ने र यसले एसियाली मुलुकको अर्थतन्त्रमा झन् बढी प्रभाव पार्ने प्रक्षेपण गरेको छ । कोरोनाको असर नेपालको अर्थतन्त्रमा पनि देखिएको छ । पर्यटन, होटल लगायतका क्षेत्रमा ठूलो असर परिरहँदा नेपालका बैङ्किङ क्षेत्रमा भने अहिलेसम्म खासै ठूलो असर देखिएको छैन । बैङ्कहरुले सङ्क्रमण फैलियो भने के गर्ने भनेर सतर्कता भने अपनाएका छन् । विशेष गरेर नोटबाट सङ्क्रमण फैलन सक्ने सम्भावनालाई मध्यनजर गर्दै बैङ्कहरुले विशेष सतर्कता अपनाउन थालेका छन् । 

नेपालका २७ वाणिज्य बैङ्कमध्येको एक हो ‘मेगा बैङ्क नेपाल’ । स्थापनाको ९ वर्षे अवधिमै यसले उत्कृष्ट बैङ्कको उपाधि हात पार्न सफल भयो भने सोही बैङ्ककी सीईओ अनुपमा खुञ्जेलीले उत्कृष्ट महिला व्यवस्थापकको उपाधि हात पारिन् । यतिबेला बैङ्क तथा वित्तीय संस्था मर्जर तथा एक्विजिसनमा केन्द्रित भइरहेका छन् । गण्डकी विकास बैङ्कलाई एक्वायर गर्ने अन्तिम तयारीमा रहँदा मेगा बैङ्क अर्को ‘बिग मर्जर’को लागि पनि ढोका खुला गरेर बसेको छ । प्रस्तुत छ, गण्डकी विकास बैङ्कको एक्विजिसनका लागि मेगा बैङ्कको तयारी, ‘बिग मर्जर’को सम्भावना, बैङ्कको समग्र अवस्था र पछिल्लो समय प्राप्त गरेको एकपछि अर्को सफलता र बैङ्किङ क्षेत्रमा कोरोनाभाइरसको प्रभावमा केन्द्रित रही मेगा बैङ्ककी प्रमुख कार्यकारी अधिकृत (सीईओ) अनुपमा खुञ्जेलीसँग रातोपाटीका लागि टुना भट्टले गरेको अन्तर्वार्ता ।