बलिउड अभिनेत्री सोनम कपुर ‘आइसोलेसन’मा बसेकी छन्। लन्डनबाट भारत फर्किएका उनी आफ्नै घरमा ‘सेफ आइसोलेसन’मा बसेकी हुन्।
भारत सरकारले पनि विदेशबाट आउने यात्रुहरुलाई सेल्फ ‘क्वारेन्टाइन’मा बस्न सल्लाह दिएको छ। त्यसैका लागि सोनम कपुर आफू ‘आइसोलेसन’मा बसेको बताएकी छन्।
पतिसँगै भारत विमानस्थलमा उत्रिएका उनीहरुको चेकिङ गरिएको थियो। उनले इन्स्टाग्राममा पोष्ट गर्दै विमानस्थलमा धेरै स्थानमा स्वास्थ्य परीक्षण भएको उल्लेख गरेकी छन्।
उनले मास्क लगाएको तस्बिर सार्वजनिक गर्दै विश्वभरि फैलिरहेको कोरोना भाइरसबाट बच्न सबैलाई आग्रह गरेकी छन्।
सोमबारसम्म १३२ जना कोभिड–१९ बाट संक्रमित बिरामी फेला परेका छन् । ३ जनाको मृत्यु भएको भारतीय स्वास्थ्य मन्त्रालयले बताएको छ।
कोरोना भाइरसका कारण भारतको केन्द्रीय सरकारले ३१ मार्चसम्म सबै राज्यहरुमा सार्वजनिक सभा, समारोह, विद्यालय, कलेज र सामुहिक हिड्डुल बन्द गर्न निर्देशन दिएको छ।
