नेपालीहरूको बाक्लो बसोबास भएको न्युयोर्कले कोरोना भाइरस संक्रमितको संख्यामा सबै राज्यलाई उछिनेको छ। पछिल्लो आँकडा अनुसार न्युयोर्कमा कोरोना भाइरस संक्रमितको संख्या ७२९ पुगेको छ भने तीनजनाको निधन पनि भैसकेको छ।
केही दिनयता न्युयोर्कमा कोरोना भाइरस संक्रमितको संख्या अत्यासलाग्दो किसिमले बढिरहेको छ। यो वृद्धिसँगै न्युयोर्कले बाँकि सबै राज्यलाई कोरोना भाइरस संक्रणमा सबैलाई पछि पारेको हो ।
नेपालीहरूको बाक्लो बसोबास भएको अमेरिकाको न्युयोर्कले कोरोना भाइरस संक्रमितको संख्यामा सबै राज्यलाई उछिनेको छ। पछिल्लो आँकडा अनुसार न्युयोर्कमा कोरोना भाइरस संक्रमितको संख्या ७२९ पुगेको छ भने तीनजनाको निधन पनि भैसकेको छ।
न्युयोर्कपछि क्रमश: वासिङ्टनमा ६४२, क्यालिफोर्नियामा २८६, मासाचुसेट्समा १३८, फ्लोरिडामा ११५ र कोलोराडोमा १०१ संक्रमित भेटिएका छन्। यीसँगै ४९ राज्यमा ३१५० अमेरिकी संक्रमित भैसकेका छन्। अमेरिकामा संक्रमित नभएको राज्य अब एक मात्र बचेको छ, वेस्ट भर्जिनिया। राजधानी वासिङ्टन डीसी र अमेरिका शासित पुर्टोरिको र भर्जिन आइल्याण्डमा पनि संक्रमण पुगिसकेको छ।
अमेरिकामा ६२ जनाको कोरोना भाइरस संक्रमणबाट मृत्यु भैसकेको छ। मृत्यु हुनेमा वासिङ्टन डीसीमा ४०, क्यालिफोर्नियामा ५, फ्लोरिडामा ४, न्युयोर्कमा ३, न्युजर्सी र लुजियानामा २-२, क्लोराडो, ओरेगन, कान्सास, भर्जिनिया, साउथ डाकोटामा १-१ रहेका छन्।
