ललितपुर महानगरपालिकाले ३२ औं अपाङगता दिवसको अवसरमा रयाम्पको सुरुवात गरेको छ।
‘ललितपुरको समृद्धि र सुशासनको आधार, सम्पदा संस्कृति सहितको स्मार्ट सेवा र पूर्वाधार’ भन्ने नारासहित महानगरले र्याम्पको सुरुवात गरेको हो।
उक्त कार्यक्रमले अपाङगता भएका व्यक्तिहरूलाई विश्व सम्पदा सूचीमा रहेका पाटन दरबारभित्र अवस्थित हिरण्य वर्ण महाविहार, मूल चोक लगायत विभिन्न धार्मिक, सांस्कृतिक सम्पदाको अवलोकन गर्नका लागि सहज हुने महानगरको भनाइ छ। यसले ह्वीलचियर प्रयोगकर्ताको लागि सहज हुनेछ।
