हिमेश पन्तले रियालिटी शो ‘कमेडी च्याम्पियन’को पहिलो संस्करणको उपाधि जितेका छन्।
शनिबार भएको ग्रान्ड फिनालेमा भोटिङका आधारमा धादिङका हिमेशले पहिलो संस्करणको उपाधि हात पारेका हुन्। उत्कृष्ट घोषित पन्तले २५ लाख रुपैयाँ नगद र एउटा कार पाए।
च्यासलस्थित ‘कमेडी च्याम्पियन’काे स्टुडियोमा भएको ग्रान्ड फिनालेमा उनले सुमन कोइराला र खड्गबहादुर पुनलाई पाखा लगाउँदै उपाधि हात पारे।
विभिन्न चरण हुँदै सुमन कोइराला, खड्गबहादुर पुन मगर र हिमेश पन्त फाइनलका पुगेका थिए ।
विशाल भण्डारीको निर्देशन तथा केकी अधिकारीको निर्माण रहेको ‘कमेडी च्याम्पियन’को निर्णायक मण्डलमा सन्तोष पन्त, मनोज गजुरेल, प्रदीप भट्टराई र ऋचा शर्मा थिए।
