बलिउड सुपरस्टार आमिर खानका केही तस्बिर यतिबेला सामाजिक सञ्जालमा भाइरल भएका छन्।
यी तस्बिरहरुमा आमिरलाई एक बालकलाई काखमा लिएको अवस्थामा लिएको देख्न सकिन्छ। आमिरले काखमा बोकिरहेका बालक हुन् पञ्जावी गायक गिप्पी ग्रेवालका छोरा गुरबाज।
बालकलाई बोकिरहेका आमिरका तस्बिर पञ्जावी गायक गिप्पी ग्रेवालले आफ्नो इन्स्टाग्राममा शेयर गरेका छन्।
आमिर खान यतिबेला आफ्नो आगामी चलचित्र ‘लाल सिंह चड्ढा’को शुटिङमा व्यस्त छन्। चलचित्रको अधिकांश छायांकन पञ्जावमै गरिएको छ। यो तस्बिर त्यतिबेलाको हो जतिबेला गिप्पी ‘लाल सिंह चड्ढा’को सेटमा पुगेका थिए।
तस्बिरका साथमा गिप्पीले आमिर र आमिरको चलचित्रको प्रशंसा गरेका छन्। यसअघि पनि आमिर खानका केही तस्बिर भाइरल भएका थिए।
