इरानी वायुसेवा प्रदायक ‘इरान एअर’ले अर्को सूचना नहुँदासम्मका लागि यूरोपका लागि उडान नगर्ने घोषणा गरेको छ। 

विश्वमा कोरोना भाइरस अर्थात कोभिड–१९को संक्रमण भइरहेका बेला इरानले उक्त निर्णय लिएको हो। तर यो संक्रमण नियन्त्रणका लागि चालिएको कदम भने नभएको बताइएको छ।

कोरोनको संक्रमणका कारण इरानमा आइतबारसम्म कम्तीमा १९४ व्यक्तिको मृत्यु भएको त्यहाँको स्वास्थ्य मन्त्रालयले पुष्टि गरेको छ।

इरानी ध्वजावहाक यस विमान कम्पनीले पेरिस, लण्डन, आर्मस्टर्डम, स्टकहोम, फ्रङफर्ट, भियना तथा रोमलगायत यूरोपका धेरै ठाउँमा उडान भर्दै आएको थियो।