बोरुसिया डर्टमण्डले बुन्डेशलिगामा बोरुसिया मोन्चेनग्लाडवाचलाई हराएको छ।
शनिबार राति भएको खेलमा डर्टमण्डले मोन्चेनग्लाडवाचलाई २–१ गोल अन्तरले हराएको हो।
थ्रोगन हजार्डले आठौं मिनेटमा गोल गर्दै डर्टमण्डलाई सुरुवाती अग्रता दिलाएका थिए। ५० औं मिनेटमा लार्स स्टिन्डलले गोल गर्दै घरेलु टोलीलाई बराबरीमा ल्याएका थिए।
यस्तै खेलको ७१ औं मिनेटमा अचरफ हाकिमीले गोल गर्दै डर्टमण्डलाई २–१ को जित दिलाए।
जितसँगै डर्टमण्ड ५१ अंक सहित बुन्डेशलिगाको दोस्रो स्थानमा उक्लिएको छ। मोन्चेनग्लाडवाच ४६ अंक सहित तालिकाको पाँचौ स्थानमा छ।
साञ्चोको कीर्तिमान
ईङ्ल्याण्डका विङ्गर जाडोन साञ्चोले क्लब कीर्तिमान बराबरी गर्दै १५ औं गोलको अवसर सिर्जना गरेका थिए।
१९ बर्षका साञ्चोको पासमा हाकिमीले गोल गर्दै डर्टमण्डलाई जित दिलाएका थिए।
साञ्चोले हेनरिक मेखिटरियनले सन् २०१५–१६ को सिजनमा बनाएको १५ गोलको अवसरको कीर्तिमानलाई बराबरी गरेका छन्।
