ब्राजिलका भेट्रान फुटबलर रोनाल्डिन्हो पक्राउ परेका छन् । नक्कली कागजात प्रयोग गरेको आरोपमा पाराग्वेबाट उनी पक्राउ परेका हुन्। 

भाइ रोबर्टोसहित उनलाई पक्राउ गरेर रिसोर्ट याच्ट एन्ड गल्फ क्लबमा राखिएको  पाराग्वेको गृहमन्त्रालयले जनाएको छ। 

उनीहरु बसेको होटलमा बुधबार राति छापा मारी प्रहरीले पक्राउ गरेको हो । छापा मार्ने क्रममा रोनाल्डोनो र रोबर्टो दुवैले पाराग्वेको राहदानी बरामद गरेको मन्त्रालयको आरोप छ। रोनाल्डिन्हो एक क्यासिनो मालिकको निम्तोमा पाराग्वेमा आएका थिए । उनी त्यहाँ विभिन्न भेटघाटमा सहभागी हुने कार्यक्रम थियो ।

रोनाल्डिन्होसित अहिले ब्राजिलको पासपोर्ट छैन । सन् २०१८ मा उनलाई वातावरणीय जरिवाना गरेसँगै उनको पासपोर्ट खोसिएको थियो । सन् २०१८ को नोभेम्बरमा यी दाजुभाइबाट ८५ करोड डलर जरिवाना असुल गरिएको थियो । साथै उनीहरुको पासपोर्ट खोसेर विदेश जान रोक लगाइएको थियो ।

रोनाल्डिन्हो सन् २००२ मा ब्राजिलले विश्वकप फुटबल जित्दा टिमका एक प्रमुख खेलाडी थिए । उनले व्यवसायिक फुटबल बार्सिलोनाबाट खेलेका थिए ।