लेस्टर सिटी एफए कप फुटबलका क्वाटरफाइनलमा प्रवेश गरेको छ।
बुधबार राति घरेलु मैदानमा भएको पाँचौँ चरणको खेलमा बर्मिङ्गघम सिटीलाई १–० ले पराजित गर्दै लेस्टर अन्तिम ८ मा पुगेको हो।
८२ औँ मिनेटमा रिकार्डो परेइराले गरेको गोल नै लेस्टरको जितमा निर्णायक बन्यो।
लेस्टरले पछिल्ला ६ खेलमा पहिलो जित दर्ता गरेको हो। लेस्टरले यसअघिका चार खेलमा गोल गर्न सकेको थिएन।
बुधबार राति नै भएको अर्को खेलमा शेफिल्ड युनाइटेडलाई १–० ले पराजित गरेर म्यानचेस्टर सिटी पनि अन्तिम ८ मा पुगेको छ।
