गुल्मी, छत्रकोटका ध्रुव न्यौपाने एसएलसीपछि 'जेटिए' पढ्न कैलालीको टीकापुर पुगे। यो २०५८ सालको कुरा हो। उनले छात्रवृत्तिमा नाम पनि निकाले। बस्ने-खाने र अरू खर्च भने आफैं जुटाउनुपर्थ्यो।
छ दाजुभाइ र सात दिदीबहिनीबीच जन्मिएका ध्रुव सामान्य किसान परिवारका हुन्। उनलाई आर्थिक लगानी गरेर पढाउने परिवारको क्षमता थिएन। ध्रुवले पनि आफू एक्लै पढेर परिवारको आर्थिक अवस्था उक्सिने सम्भावना देखेनन्। बरू कमाइ हुने काममा लाग्ने निधो गरे।
