तारा एयरको ९ एन–‘एईटी’ ट्विनअटर विमान दुर्घटनाग्रस्त अवस्थामा भेटिएको ठाउँमा प्रहरीको उद्धार टोली पुगेको छ। फिस्टेल एयरबाट नेपाल प्रहरीका इन्स्पेक्टर राजकुमार तामाङ नेतृत्वको टिम घटनास्थलमा पुगेको हो।
विमान मुस्ताङको थासाङ गाउँपालिका– २ को शनिश्चरेमा दुर्घटनाग्रस्त अवस्थामा फेला परेको हो। दुर्घटनाग्रस्तस्थल १३ हजार फिट उचाइमा पर्दछ।
आइतबार बिहान ९ बजेर ५५ मिनेटमा पोखराबाट मुस्ताङको जोमसोमका लागि उडेको तारा एयरको जहाज सम्पर्कविहीन भएको विमान यार्सागुम्बा खोज्न गएका युवकले भेटेका थिए।
विमानमा सवार चालक दलका सदस्य र यात्रुहरुको अवस्थाको बारेमा भने विवरण आउन बाँकी रहेकाे छ। जहाजमा चालक दलका ३ सदस्यसहित २२ जना सवार थिए।
