काठमाडौँ । यतिबेला मुलुक नेपाल कम्युनिस्ट पार्टी (नेकपा) अध्यक्ष केपी शर्मा ओली नेतृत्वको सरकारको दुई वर्षे कार्यकालको समीक्षामा व्यस्त छ । प्रधानमन्त्री ओलीले शनिबार सङ्घीय संसदको प्रतिनिधिसभा बैठकमा आफ्नो दुई वर्षे कार्यकालको प्रगति विवरण प्रस्तुत गरिसकेका छन् ।
सोही दिन प्रमुख प्रतिपक्षी दल नेपाली काँग्रेसका नेता शेरबहादुर देउवाले सरकारले दुई वर्षमा दुईवटा पनि राम्रो काम नगरेको प्रतिक्रया दिएका थिए । यता काँग्रेस प्रवक्ता विश्वप्रकाश शर्माले आइतबार पत्रकार सम्मेलन गरी सरकारको २ वर्ष अयोग्यता, असफलता र अधोगतिमा गुज्रिएको तथ्य प्रस्तुत गरे ।
