न्यायमा पहुँच विस्तार हुँदै छ
अन्याय जो कोहीलाई पर्न सक्छ। अभियोग जो कोहीलाई पनि लाग्न सक्छ। अन्यायमा परियो र अभियोग लाग्यो भनेर आत्तिनु हुँदैन। खाएको विष पो लाग्छ नखाएको विष लाग्दैन भने जस्तै अभियोग लाग्नेबित्तिकै भागेर उन्मुक्ति पाइँदैन।
न्यायको खोजी गर्न नसक्ने खास गरी महिला, विपन्न, असहाय, अक्षम वर्गका व्यक्तिहरूको न्यासम्मको पहुँचलाई सहज बनाउन उच्च अदालत पाटनले न्यायमा पहुँच समिति नै बनाएको छ। कुनै पनि विवाद निरुपणका लागि अदालतमा मुद्दा दर्ता गरिन्छ। मुद्दा दायर भएपछि अदालतले तोकिएको निश्चित प्रक्रिया अवलम्बन गरी न्याय सम्पादन गर्नुपर्दछ।
