रुपन्देहीमा दुई जना प्रहरी घुससहित पक्राउ परेका छन्। पक्राउ पर्नेमा रामनगर ट्राफिक बीटमा कार्यरत असई सूर्यबहादुर अधिकारी र देवदह खैरेनी पोष्टमा कार्यरत  प्रहरी जवान छवीलाल पोखरेल रहेका छन्।

अख्तियार दुरुपयोग अनुसन्धान आयोगको बुटवल कार्यालयले घुससहित उनीहरुलाई शुक्रबार पक्राउ गरेको हो।

अख्तियार कार्यालय बुटवलका प्रवक्ता सुरेश भुसालका अनुसार टिपर सञ्चालनमा सहज बनाइदिने भन्दै ५ हजार घुस लिँदै गरेको अवस्थामा पक्राउ गरिएको हो। 

प्रहरी जवान पोखरेललाई ३ हजार घुससहित पक्राउ गरिएको भुसालले बताए। दुबै जनालाई नियन्त्रणमा लिई अनुसन्धान भइरहेको छ।