प्रहरीले काठमाडौँबाट जुवातास खेलिरहेको अवस्थामा नगदसहित तिन जनालाई पक्राउ परेको छ। पक्राउ पर्नेमा स्वम्यभू बस्ने ३८ वर्षीय पासाङ लामा, ५२ वर्षीय प्रसाद गुरुङ र ३६ वर्षीय रबिन गुरुङ रहेका छन्।

सोहि स्थानमा बस्ने सोनम लामाको घरमा जुवातास खेलिरहेको अवस्थामा उनीहरुलाई सोमबार महानगरीय प्रहरी वृत्त स्वयम्भूबाट खटिएको प्रहरीले पक्राउ गरेको हो।

पक्राउ परेका उनीहरुका साथबाट ५४ हजार १ सय ८५ रुपैयाँ र ४ बुक तास बरामद गरेको प्रहरीले जनाएको छ। पक्राउ परेका उनीहरुमाथि थप अनुसन्धान भइरहेको छ।