प्रमुख प्रतिपक्षी नेपाली कांग्रेसका सांसद दिलेन्द्रप्रसाद बडुले चीनमा रहेका नेपालीहरुको अवस्थाबारे सरकारसँग जानकारी माग गरेका छन्।

चीनको वुहानबाट फैलिएको कोरोना भाइरसको संक्रमणबाट ज्यान गुमाउनेको सङ्ख्या कम्तीमा चार सय २५ पुगेको छ। कोरोनाका कारण चीनमा मात्रै २० हजार चार सयभन्दा बढी मानिस सङ्क्रमित भएका छन्। त्यहाँ रहेका करिब दुई सय जना नेपालीले आफूलाई उद्धार गर्न आवेदन फाराम भरे पनि सरकारले उद्धार गरेको छैन।

‘छिमेकी देश चीनमा कोरोनाभाइरस संक्रमण फैलिएको छ। त्यहाँ रहेका नेपालीहरुको अवस्था कस्तो छ?’ उनले भने, ‘उद्धार र संक्रमण भेटिएमा नेपालमा उपचारको गर्न सक्ने तयारी कस्तो छ संसदमा जानकारी गराइयोस्।’