प्रहरीले काठमाडौँबाट अवैध लागूऔषधसहित एक जनालाई पक्राउ गरेको छ।

पक्राउ पर्नेमा नागार्जुन नगरपालिका-१० स्युचाटार डेरा गरी बस्ने मकवानपुर थाहा नगरपालिका-७ घर भएका ५४ वर्षीय राम बहादुर थापा मगर रहेका छन्।

कोठामा लागूऔषध लुकाई छुपाई राखेको भन्ने सूचनाको आधारमा महानगरीय प्रहरी प्रभाग स्युचाटारबाट खटिएको प्रहरीले उनलाई सोमबार पक्राउ गरेको हो।

उनको साथबाट अवैध लागूऔषध पोल्याण्ड करिब ४ केजी बरामद गरिएको प्रहरीले जनाएको छ। यस सम्बन्धमा थप अनुसन्धान भइरहेको छ।