बागलुङ नगरपालिका–१ रामरेखामा घरको छतबाट खसेर एक बालिकाको मृत्यु भएको छ।

मृत्यु हुनेमा बागलुङको काठेखोला गाउँपालिका–८ लेखानी घर भई रामरेखा आफन्त सीता विकको घरमा आएकी १५ महिनाकी दीपसिना विक रहेकी छन्।

आइतबार दिउँसो  घरको छतमाथि खेलिरहेका उनीअचानक भुईँमा खस्दा मृत्यु भएको जिल्ला प्रहरी कार्यालय बागलुङले जनाएको छ।

छतबाट खसेर घाइते बालिकाको धौलागिरी अञ्चल अस्पतालमा सामान्य उपचारपछि पोखरास्थित मणिपाल शिक्षण अस्पतालमै मृत्यु भएको जिल्ला प्रहरी कार्यालय बागलुङका प्रमुख प्रहरी उपरीक्षक नवराज भट्टले जानकारी दिए।